Облако тегов
радуися аминь катавасия при́сно богородицы человек святых октября тропарь пресвятыя святаго поми́луй помилуй день воскресе́ние архипастырское животворя́щаго павел литургия церкви служба рпсц господи христа исповеди храм старообрядческий тебе христос вечерня храме корнилий поста церковь древлеправославное иоанн сердце исус смерть кондак поклон утреня ирмос слава псалом человеколю́бец крест молитва душа священномучеников отче
Псалом 89
Го́споди, прибе́жище бысть нам в род и род. Пре́жде да́же гора́м не бы́ти, и созда́тися земли́ и вселе́нней, о́т века и до́ века Ты еси́. Не возврати́ челове́ка во смире́ние и рекл еси́: обрати́теся сы́нове челове́честии. Я́ко ты́сяща лет пред очи́ма Твои́ма Го́споди, я́ко день вчера́шнии, и́же ми́мо и́де, и стра́жа нощна́я. Уничиже́ния их еще́ бу́дут. У́тро я́ко трава́ ми́мо и́дет, у́тро процвете́т и пре́йдет, на́ вечер отпаде́т, ожесте́ет и и́схнет. Я́ко исчезо́хом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Собо́ю, век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом. Ле́та на́ша я́ко паучи́на пауча́хуся, дни́е лет на́ших, в них же се́дмьдесят лет. А́ще ли же в си́лах, о́смьдесят лет; и мно́жае их труд и боле́знь. Я́ко прии́де кро́тость на ны, и нака́жемся. Кто свесть держа́ву гне́ва Твоего́, и о́т страха Твоего́ я́рость Твою́ исчести́; Десни́цу Твою́ та́ко скажи́ ми, и окова́нныя се́рдцем в му́дрости. Обрати́ Го́споди, доко́ле; и умоле́н бу́ди на рабы́ Своя́. Испо́лнихомся зау́тра ми́лости Твоея́ Го́споди, и возра́довахомся и возвесели́хомся. Во вся дни на́ша возвесели́хомся, за́дни в ня́же смири́л ны еси́; и ле́та в ня́же ви́дехом зла́я. И при́зри на рабы́ Своя́, и на де́ла Твоя́ и наста́ви сы́ны их. И бу́ди све́тлость Го́спода Бо́га на́шего на нас, и де́ла рук на́ших испра́ви на нас, и де́ло рук на́ших испра́ви.
Добавить комментарий