Облако тегов
вечерня церковь господи аминь корнилий крест смерть день исповеди служба литургия священномучеников утреня рпсц иоанн сердце тебе псалом радуися поми́луй при́сно отче октября пресвятыя тропарь поста богородицы древлеправославное христа воскресе́ние человеколю́бец ирмос поклон храме душа храм павел святаго исус человек катавасия слава святых архипастырское молитва животворя́щаго старообрядческий кондак помилуй христос церкви
Псалом 84
Благоволи́л е́си Го́споди, зе́млю Твою́, возврати́л еси́ плен Ия́ковль. Оста́вил еси́ беззако́ния лю́дем Твои́м, покры́л еси́ вся грехи́ их. Укроти́л еси́ весь гнев Твой, возврати́л еси́ от гнева я́рости Твоея́. Возврати́ нас, Бо́же спасе́нии на́ших, и возврати́ я́рость Твою́ от нас. Еда́ во́ веки прогне́ваешися на ны, или́ про́стреши гнев Свой о́т рода в род. Бо́же, Ты обра́щ живи́ши ны, и лю́дие Твои́ возвеселя́тся о Тебе́. Яви́ нам Го́споди, ми́лость Твою́, и спасе́ние Твое́ даждь нам. Услы́шу, что рече́т о мне Госпо́дь Бог; я́ко рече́т мир на́ люди Своя́ и на преподо́бный Своя́, и на обраща́ющий сердца́ к Нему́. Оба́че близ боя́щихся Его́, спасе́ние Его́, всели́ти сла́ву в зе́млю на́шу. Ми́лость и и́стина срето́стеся, пра́вда и мир облобыза́стася. И́стина от земли́ восия́, и пра́вда с небесе́ прини́че. И́бо Госпо́дь даст бла́гость, и земля́ на́ша даст плод свой. Пра́вда пред Ним предъи́дет, и положи́т в путь стопы́ своя́.
Добавить комментарий