Облако тегов
исповеди пресвятыя павел вечерня церковь христа утреня крест катавасия служба тропарь животворя́щаго октября корнилий смерть помилуй поста тебе старообрядческий церкви литургия богородицы храм слава душа иоанн храме святых исус ирмос отче древлеправославное молитва поклон господи радуися сердце христос священномучеников поми́луй человек святаго при́сно кондак день аминь псалом архипастырское воскресе́ние человеколю́бец рпсц
Псалом 83
Коль возлю́блена се́ла Твоя́, Го́споди сил, жела́ет и скончева́ется душа́ моя́ во дворы́ Госпо́дня. Се́рдце мое́ и плоть моя возра́довастася о Бо́зе жи́ве. И́бо пти́ца обре́те себе́ хра́мину, и го́рлица гнездо́ себе́, иде́же положи́ птенцы́ своя́. Олтари́ Твоя́, Го́споди Боже сил, Царю́ мой и Бо́же мой. Блаже́ни живу́щий в дому́ Твое́м, в век ве́ка восхва́лят Тя. Блаже́н муж е́му же есть заступле́ние его́ от Тебе́. Восхожде́ния в се́рдцы свое́м положи́, во юдо́ли плаче́вне, в ме́сте иде́же положи́. И́бо благослове́ние даст зако́н дая́и. По́йдут от си́лы в си́лу, яви́тся Бог бого́м в Сио́не. Го́споди Бо́же сил, услы́ши моли́тву мою́, внуши́ Бо́же Ия́ковль. Защи́тниче наш, виждь Бо́же, и при́зри на лице́ Христа Твоего́. Я́ко лу́чше день еди́н во дво́рех Твои́х, па́че ты́сящ. Изво́лих примета́тися в дому́ Бо́га моего́ па́че, не́же жи́ти ми в се́лех гре́шничих. Я́ко ми́лость и и́стину лю́бит Госпо́дь. Бог благода́ть и сла́ву даст. Госпо́дь не лиши́т бла́га, ходя́щих незло́бием. Го́споди Бо́же сил, блаже́н челове́к упова́яи на Тя.
Добавить комментарий