Облако тегов
сердце кондак тропарь молитва христос поклон древлеправославное церковь отче смерть утреня при́сно катавасия аминь человек рпсц храме господи поми́луй корнилий павел исус священномучеников святаго ирмос псалом литургия душа храм человеколю́бец святых служба вечерня христа поста пресвятыя исповеди помилуй крест тебе богородицы октября радуися церкви животворя́щаго воскресе́ние старообрядческий архипастырское день слава иоанн
Псалом 24
К Тебе́ Го́споди, воздвиго́х ду́шу мою́. Бо́же мой, на Тя упова́х, да не постыжу́ся во́ веки. Ни посмею́тмися врази́ мои́, и́бо вси терпя́щим Тя не постыдя́тся. Да постыдя́тся беззако́ннующии всу́е. Пути́ Твоя́ Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́ Го́споди, и ми́лости Твоя́, я́ко о́т века суть. Грех ю́ности моея́ и неве́жествия моего́ не помяни́. По ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди зако́н положи́т согреша́ющим на пути́. Наста́вит кро́ткия на суд, и научи́т кро́ткия путе́м свои́м. Вси путие́ Госпо́дни, ми́лость и и́стина, взыска́ющим заве́та Его́ и свиде́ния Его́. Ра́ди и́мене Твоего́ Го́споди, очи́сти грех мой, мног бо есть. Кто есть челове́к боя́ися Го́спода? Зако́н положи́т ему́ на пути́, и́же изво́ли. Душа́ его́ во благи́х водвори́тся, и се́мя его насле́дит зе́млю. Держа́ва Госпо́дь боя́щимся Его́, и заве́т Его́ яви́т им. Очи́ мои́ вы́ну ко́ Господу, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищь есмь аз. Ско́рби се́рдца моего́ умно́жишася, и от бед мои́х изведи́ мя. Виждь смире́ние мое́, и труд мой, и отпусти́ вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и избави́ мя, да не постыжу́ся я́ко упова́х на Тя. Незлоби́вии и пра́вии прилепля́хуся мне, я́ко потерпе́х Тя, Го́споди. Изба́ви Бо́же, Изра́иля от всех скорбе́й его.
Добавить комментарий