О! Пресвята́я Госпоже́ Влады́чице Богоро́дице, вы́шьши еси́ всех а́нгел и арха́нгел. И всея́ тва́ри честне́́йши. Помо́щница еси́ оби́димым, ненаде́ющимся наде́яние, убо́гим засту́пница, печа́льным утеше́ние, а́лчущим корми́тельница, наги́м одея́ние, больны́м исцеле́ние, гре́шным спасе́ние, Христия́ном всем поможе́ние, и заступле́ние. О! Всеми́лостивая Госпоже́ Де́во Богоро́дице Влады́чице, ми́лостию Свое́ю спаси́ и поми́луй держа́ву на́шу. Спаси́ Госпоже́ и поми́луй раб Свои́х: господи́на на́шего преосвяще́ннейшего (имя рек), митрополи́та моско́вскаго и всея́ Руси́. И преосвяще́нныя митрополи́ты, архиепи́скопы и епи́скопы, и весь свяще́нническии и и́ноческин чин; и христолюби́выя во́ины, и доброхо́ты, и вся правосла́вныя Христия́ны ри́зою Свое́ю честно́ю защити́. И умоли́ Госпоже́, из Тебе́ без се́мене воплоти́вшагося Христа́ Бо́га на́шего. Да препоя́шет нас си́лою Свое́ю свы́ше, на неви́димыя и ви́димыя враги́ на́ша. О! Всеми́лостивая Госпоже́, Влады́чице Богоро́дице, воздви́гни нас, из глубины́ грехо́вныя, и изба́ви нас от гла́да и губи́тельства. От тру́са и пото́па. От огня́ и меча́. От наше́ствия иноплеме́нных и межуусо́бныя бра́ни. От напра́сныя сме́рти и от нападе́ния вра́жия. От тлетво́рных ветр и от смертоно́сныя я́звы; и от вся́каго зла. Пода́ждь Госпоже́, мир и здра́вие рабо́м Свои́м, всем правосла́вным христия́ном. И просвети́ им ум, и о́чи серде́чнии е́же ко спасе́нию. И сподо́би ны, гре́шныя рабы́ Твоя́, ца́рствию Сы́на Твоего́, Христа́ Бо́га на́шего. Я́ко держа́ва Его́ благослове́на и препросла́влена, со Безнача́льным Его́ Отце́м, и со Пресвяты́м и Благи́м, и Животворя́щим Его́ Ду́хом, ны́не и при́сно, и во́ веки веко́м. Ами́нь (земной поклон).

Честне́йшую херуви́м и сла́внейшую вои́стину серафи́м, без истле́ния Бо́га Сло́ва ро́ждьшую, су́щую Богоро́дицу, Тя велича́ем. Слава, и ныне. Го́споди, поми́луй (дваж­ды), Го́споди, благослови́ (с поклонами). И отпу́ст празднику или святому.

Подобает ведати: аще прилучится пети канон праздником Господским и праздником Бо­городицы, и архангелом, и прочим святым великим и малым, тогда отпу́ст глаголем сице: вначале на отпу́сте поминаем праздник Владычний, Богородицы, архангелом и святым ве­ликим, потом и малым, и всех святых и прочая. Аминь.

В теле прославляет Бога тот, кто не предается блуду, не пресыщается, не печется о внешнем украшении, кто заботится о себе лишь поскольку это нужно для здоро­вья, кто не прелюбодействует; равно как и та, которая не намащает себя благовони­ями, не расписывает красками своего лица, довольна тем видом, каким наделил ее Бог, и ничего не прибавляет искусственного (святитель Иоанн Златоуст).