Аптека духовная

28.11.2011 12:58 | Автор: Павел |

Челове́к не́кии прии́де во враче́бницу и спроси́ врача́:

есть ли таково́е бы́лие, е́же бы врачева́ло боле́зни душе́вныя, и ины́е грехи́?

Врач же отвеща́: есть.

Прииди́ и возьми́ ко́рень послуша́ния и пра́вды, ли́ствия упова́ния и терпе́ния;

Цвет красоты́, или́ чистоты́ душе́вной и теле́сной;

Плод до́брых дел;

И изотри́ в сосу́де сокруше́ния серде́чнаго;

Просе́й в решете́ разсужде́ния;

Приле́й воды́ от слез моли́твенных;

И раствори́ го́рестию покая́ния;

Пото́м воспламени́ себе́ Боже́ственною любо́вию;

Вложи́ в горни́ло ничто́жества, или́ смире́ния;

И, осоли́в себе́ со́лию братолю́бия,

Отве́рзи ще́друю ру́ку к ми́лостыни, ю́же да твори́ши в та́йне.

Егда́ же все то угото́вится чрез огнь ве́ры и благода́ти, употребля́й в твою́ по́льзу.

Тогда́ бу́деши соверше́нно здрав!

Обновлено (29.11.2011 17:29)