Глаго́лы моя́ внуши́ Го́споди, разуме́й зва­ние мое́. Воньми́ глас моли́твы моея́. Царю́ мой и Бо́же мой. Я́ко к Тебе́ помолю́ся Го́споди, зау́тра услы́ши глас мой. Зау́тра предста́ну Ти, и у́зриши мя, я́ко Бог не хотя́ беззако́ние Ты еси́. Не прии́дет к Тебе́ лука́внуяи, не пребу́дут же законопресту́пницы пред очи́ма Твои́ма. Возненави́дел еси́ вся творя́щия беззако́ние, погуби́ши вся глаго́лющня лжу. Му́жа кро́ви и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой. Поклоню́ся к це́ркви святе́й Твое́й, во́ страсе Твое́м. Го́споди, наста́ви мя пра́вдою Твое́ю, враг мои́х ра́ди, испра́ви пред Собо́ю путь мой. Я́ко несть во усте́х их и́стины, се́рдце их су́етно. Гроб отве́рст горта́нь их, язы́ки свои́ми льща́ху: суди́ им Бо́же. Да отпаду́т от мы́слей свои́х, по мно́жеству нече́стня их изри́ни я́, я́ко прогне́ваша Тя, Го́споди. И возвеселя́тся вен упова́ющии на Тя, во́ веки возра́дуются и всели́шися в них. И похва́лятся о Тебе́ лю́бящии и́мя Твое́, я́ко Ты благослови́ши пра́ведника. Го́споди, я́ко о́ружием благоволе́ния венча́л еси́ нас.