Облако тегов
церковь рпсц катавасия помилуй храм исус пресвятыя иоанн святых аминь слава человек священномучеников поклон кондак господи душа смерть вечерня тебе крест молитва архипастырское христос утреня христа литургия ирмос корнилий сердце древлеправославное тропарь день человеколю́бец при́сно поста богородицы храме павел псалом служба старообрядческий радуися животворя́щаго поми́луй отче воскресе́ние святаго октября церкви исповеди
Псалом 145
Xвали́, душе́ моя́, Го́спода, восхвалю́ Го́спода в животе́ мое́м, пою́ Бо́гу моему́ до́ндеже есмь. Не наде́йтеся на́ князи на́ сыны челове́ческия, в них же несть спасе́ния. Изы́дет дух его́, и возврати́тся в зе́млю свою́, в той день поги́бнут вся помышле́ния его́. Блаже́н ему́ же Бог Ия́ковль помо́щник его́, упова́ние его́ на́ Господа Бо́га своего́. Сотво́ршаго не́бо и зе́млю, мо́ре и вся я́же в них. Храня́щаго и́стину в век, творя́щаго суд оби́димым, даю́щаго пи́щу а́лчущим. Госпо́дь реши́т окова́нных, Госпо́дь умудря́ет слепца́, Госпо́дь возво́дит низве́рженыя, Госпо́дь лю́бит пра́ведники. Госпо́дь храни́т прише́льца, си́ра и вдову́ прие́млет, и путь гре́шных погуби́т. Воцари́тся Госпо́дь во́ веки, Бог Твой Сио́не, в род и род.
Добавить комментарий