Облако тегов
октября человек святых христа сердце церковь помилуй исповеди поми́луй тропарь поклон слава крест животворя́щаго павел священномучеников пресвятыя служба аминь молитва катавасия утреня псалом богородицы литургия храм радуися смерть ирмос душа святаго старообрядческий день корнилий тебе иоанн отче воскресе́ние господи исус кондак архипастырское рпсц древлеправославное человеколю́бец поста вечерня христос церкви при́сно храме
Псалом 53
Бо́же, во́ имя Твое́ спаси́ мя, и в си́ле Твое́и суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя, и кре́пцыи взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь засту́пник души́ мое́й Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го. Я́ко от вся́кия печа́ли изба́ви мя, и на враги́ моя́ воззре́ о́ко мое́.
Добавить комментарий