От сна воста́в, благодарю́ Тя, Всесвята́я Тро́ице, я́ко мно́гия ра́ди бла́гости и долготерпе́ния не прогне́вася на мя гре́шнаго и лени́ваго раба́ Твоего́, и не погуби́л еси́ мене́ со беззако́нии мои́ми, но человеколю́бствова; и в неча́янии лежа́ща, воздви́же мя у́треневати и славосло́вити держа́ву Твою́ непобеди́мую. И ны́­не Влады́ко, Бо́же Пресвяты́и, просвети́ о́чи се́рдца моего́ и отве́рзи ми устне́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во испове́дании серде́чнем; воспева́ти же и сла́вити пречестно́е и великоле́пое и́мя Твое́: Отца́ и Сы́на и Свята́го Ду́ха, ны́не и при́сно и во́ веки веко́м, ами́нь.