при́сно древлеправославное архипастырское катавасия рпсц пресвятыя животворя́щаго исус христос утреня кондак отче тебе душа поста ирмос день слава тропарь иоанн корнилий человек смерть храм вечерня воскресе́ние человеколю́бец богородицы служба псалом христа поми́луй старообрядческий исповеди помилуй литургия храме господи молитва священномучеников сердце радуися крест церковь святаго павел святых аминь поклон октября церкви
Канон за болящаго
Поми́луй нас Го́споди, поми́луй нас, вся́каго бо отве́та недоуме́юще, сию́ Ти моли́тву, я́ко Влады́це, гре́шнии раби́ Твои́ прино́сим, поми́луй нас Го́споди, поми́луй нас.
Слава. Го́споди, поми́луй нас, на Тя бо упова́хом, не прогне́вайся на ны зело́, ниже́ помяни́ беззако́нии на́ших, но при́зри на ны, я́ко Милосе́рд, и изба́ви нас от враг на́ших, Ты бо еси́ Бог наш, и мы лю́дие Твои́, и вси де́ла руку́ Твое́ю, и и́мя Твое́ призыва́ем.
И ныне. Милосе́рдия две́ри отве́рзи нам, Благослове́нная Богоро́дице Де́во, наде́ющиися на Тя не поги́бнем, но да изба́вимся Тобо́ю от бед. Ты бо еси́ спасе́ние ро́ду христиа́нскому.
Пределя́емое мо́ре жезло́м дре́вле, Изра́иль про́йде я́ко по пусты́ни, я́ко Креста́ о́браз я́ве претворя́ше стезю́, сего́ ра́ди воспое́м во хвале́нии, чу́дному Бо́гу на́шему, я́ко просла́вися.
Песнь 7, ирмос.
Запев. Ева́нгельскому ве́рующе гла́су, Твоего́ и́щем обе́та Христе́, проси́те бо рече́, и да́стся вам; тем ны́не предстоя́ще мо́лим Тя: воста́ви со одра́ здра́в(у)а, лю́тым пове́ржен(у)а неду́гом, да Тя с на́ми вку́пе велича́ет.